• Artv News

LABARI DA DUMIDUMINSA: Gwamna Ganduje ya sauya sunan Jami'ar kimiyya da fasaha ta Wudil


Majalisar zartarwa ta jihar Kano ta amince da sauya sunan Jami’ar Kimiyya da Fasaha ta Jihar Kano dake Wudil KUST da Sunan Aliko Dangote


Kwamishinan yada labarai na jihar, Malam Muhammad Garba, wanda ya bayyana hakan a wata sanarwa da ya fitar, ya ce ci gaban ya biyo bayan shawarar da kwamitin da aka tura jami’ar ya bayar.



Ya bayyana cewa a yanzu za’a rika kiran makarantar da suna Aliko Dangote University of Science and Technology (ADUST), Wudil.


Malam Garba ya kara da cewa an mika batun ga majalisar dokokin jihar domin nazarin dokokin da suka kafa jami’ar domin yin gyara.

348 views0 comments