Gwamnatin Kano ta raba naira miliyan sha shida ga wadanda fashewar Gas ta shafa

Gwamnan Jihar Kano Dr. Abdullahi Umar Ganduje OFR, ya raba kimanin Naira miliyan goma sha shida ga mutanen da suka rasu sakamakon fashewar wani abu da ya faru a Sabon Gari.

An gudanar da rabon kayayyakin a Africa House dake gidan gwamnati Kano.

Gwamna Ganduje, ya yi nuni da cewa, an yi hakan ne domin a kwantar da hankali a tsakanin iyalan wadanda suka rasa rayukansu.

Saboda haka, ya jajanta musu bisa lamarin. An bawa wadanda suka rasa ransu Naira miliyan 1 (Naira miliyan daya) sannan kuma aka baiwa mai African center wanda gininsa ya ruguje naira miliyan biyu, yayin da aka baiwa mai makarantar Winners Primary School Naira miliyan daya.

Bugu da kari. Kowanne daga cikin mutane goma da suka samu munanan raunuka a lamarin ya kai Naira 200,000 (Naira dubu dari biyu) sannan kuma an baiwa wadanda suka samu raunuka kadan Naira miliyan daya (Naira miliyan daya).