• Artv News

Ganduje ya taya Asiwaju murna, ya yabawa Buhari kan yadda ya kyale dimokradiyya tayi aikinta




Gwamnan jihar Kano, Dakta Abdullahi Umar Ganduje ya taya Asiwaju Bola Ahmed Tinubu murnar nasarar da ya samu a zaben fidda gwani na jam’iyyar APC da aka kammala. A wani sakon taya murna da kwamishinan yada labaran Kano ya sanya wa hannu, Gwamnan ya ce fitowar Tinubu a matsayin dan takarar jam’iyyar APC a zaben 2023 zai zama nasara ga ci gaban Najeriya. Ya ce Jagaba na da karfin da zai iya samar da shugabancin da ake bukata wanda zai dunkule tare da ginawa kan ribar dimokaradiyyar kasar nan. Gwamna Ganduje ya yabawa shugaban kasa Muhammadu Buhari bisa samar da yanayi mai kyau da ya samar da masu rike da tutar jam’iyyar APC, kwamitin ayyuka na kasa, wakilai da duk sauran sassan jam’iyyar da kuma tsarin jam’iyyar a fadin tarayya tare da hadin kan ku wajen ganin an samu nasarar gudanar da babban taron. . Gwamnan ya kuma yabawa sauran ‘yan takara bisa dattakon da suka nuna a tsawon tsawon lokacin tuntubar juna har zuwa babban taron da suka tabbatar da irin yadda jam’iyyar APC ta yi amfani da tsarin dimokaradiyya na gaskiya. Ya kuma yi kira ga Tinubu a matsayinsa na jagoran jam’iyyar da ya kawo dimbin gogewarsa ta fuskar siyasa da tattalin arziki wajen tabbatar da nasarar jam’iyyar a fadin kasar nan a zaben 2023 mai zuwa. Gwamna Ganduje ya kuma bukaci daukacin ‘ya’yan jam’iyyar da su ci gaba da kasancewa a dunkule tare da mai da hankali yayin da jam’iyyar ta yi tattaki tare da ‘yan Najeriya zuwa ga nasara a 2023.

20 views0 comments