• Artv News

Boris Johnson zai sauka daga shugabancin jam'iyyarsa


Firaministan Birtaniya Boris Johnson zai sauka daga shugabancin jam'iyyarsa ta Conservative a yau Alhamis.


Amma zai ci gaba da kasancewa firaministan kasar har zuwa watan Oktoba.

Za a naɗa sabon shugaban jam'iyyar Conservative a wannan bazarar sannan za a yi sabon firaminista a watan Oktoba ɗin.

Duk da cewa Boris Johnson bai kammala yin murabus ɗin ba a hukumance, har an fara kamfe kan wanda zai gaje shi.


BBC Hausa ta rawaito cewa, Zuwa an jima ne a ranar Alhamis Johnson zai sanar da murabus din nasa a hukumance.

Wani mai magana da yawaun fadar Gida Mai Lamba 10 ya ce: "Firaministan zai yi sanarwa ga ƴan ƙasar zuwa an ji ma."


Mr Johnson ya yi magana ne da Sir Graham Brady, shugaban kwamitin jam'iyyar Conservative na 1922 , inda ya sanar da shi matakin da ya ɗauka, a cewar wata majiya daga fadar No 10.


Majiyar ta ƙara da cewa: "Firaminsita ya yi magana da Graham Brady inda ya amince ya sauka a kan lokaci don ba da damar naɗa wani sabon shugaban a Oktoba."

3 views0 comments